ក្រុមហ៊ុន Samsung Electronics របស់ប្រទេសកូរ៉េខាងត្បូងបាននិយាយថា ខ្លួនរំពឹងថា ប្រាក់ចំណេញប្រតិបត្តិការនឹងកើនដល់៨,៧លានលានវ៉ុន (៧,៧ពាន់លានដុល្លារ) នៅក្នុងត្រីមាសទី១ ឆ្នាំ២០១៣ នេះគឺកើន៥២,៩% ធៀបនឹងរយៈពេលដូចគ្នាក្នុងឆ្នាំ២០១២ ។
Samsung ដែលជាក្រុមហ៊ុនបច្ចេកវិទ្យាធំបំផុតលើពិភពលោកបើគិតពីប្រាក់ចំណូល បានផ្តល់តួលេខប្រាក់ចំណូលកាលពីថ្ងៃសុក្រ ទី៥ មេសាមុនពេលចេញលទ្ធផលផ្លូវការយ៉ាងយូរនៅក្នុងខែនេះ ។ការព្យាករប្រតិបត្តិការខែមករា-មីនាបានធ្វើឡើងបន្ទាប់ពីរបាយការណ៍ប្រាក់ចំណេញប្រចាំត្រីមាសមានចំនួន៨,៨លានលានវ៉ុនលើសត្រីមាសទី៤ ឆ្នាំមុន ។ ប្រាក់ចំណេញរបស់ក្រុមហ៊ុន Samsung បានកើនខ្ពស់នៅក្នុងឆ្នាំ២០១២ ដោយសារសន្ទុះការលក់ទូរស័ព្ទស្មាតហ្វូននៅក្នុងទីផ្សារ ។ ការលក់នៅក្នុងត្រីមាសទី១ ឆ្នាំ២០១៣ ត្រូវបានគេរំពឹងថា ឈានដល់៥២លានវ៉ុនកើន១៤,៩% ធៀបនឹងឆ្នាំមុន ប៉ុន្តែធ្លាក់ចុះ៧,២% ធៀបនឹងបណ្តាញឆ្នាំមុនៗផ្សេងទៀត។
អ្នកវិភាគនិយាយថា នៅគ្រាដែល Samsung បានវ៉ាដាច់ក្រុមហ៊ុន Nokia Corp និងក្រុមហ៊ុន Apple Inc. ជាទីផ្សារទូរស័ព្ទស្មាតហ្វូនធំជាងគេលើពិភពលោកនោះ បើគិតពីកម្រិតប្រាក់ចំណេញដុលវិញ ក្រុមហ៊ុន Apple លើសក្រុមហ៊ុនសាំសុ៊ងដល់ទៅ២ដង ។លោក Lee Sun Tae អ្នកវិភាគនៅក្នុងក្រុមហ៊ុន NH Investment and Securities បានប្រាប់សារព័ត៌មាន Dow Jones Newswires ថា ក្រុុមហ៊ុន Samsung នៅតែស្ថិតពីក្រោយក្រុមហ៊ុន Apple នៅក្នុងទីផ្សារផលិតផលថ្លៃៗ៕
Source: http://kohsantepheapdaily.com.kh
