នេះជាវីដេអូដែលបង្ហាញអំពីសត្វឆ្កែចិញ្ចឹមដ៏មានទេពកោសល្យមួយក្បាលឈ្មោះ Jumpy។ Jumpyអាចសម្ដែងលោតហក់ខុសប្លែកពីឆ្កែធម្មតាដទៃទៀតបានយ៉ាងល្អ។ ម្ចាស់របស់ឆ្កែនេះលោក Omar von Mullerគាត់មានបទពិសោធន៍បង្ហាត់សត្វឆ្កែតាំងតែពីយូរណាស់មកហើយ។ គាត់ទទួលកេរ្តិ៍ឈ្មោះល្បីល្បាញសម្រាប់ការបង្ហាត់មួយដែលហៅថា Uggie ក្នុងកម្មវិធី Oscar-winning video។ ក្នុងកិច្ចសម្ភាសកាលពីឆ្នាំ២០១២ លោកVon Mullerបាននិយាយថា លោកមិនមានវេទមន្តអ្វីដែលពិសេសលើលទ្ធនៃការបង្ហាត់ឆ្កែរបស់គាត់នោះទេ វាជាការសាមញ្ញប៉ុណ្ណោះ ដោយគ្រាន់តែរកសត្វឆ្កែដែលសាកសមហើយធ្វើការបង្ហាត់វាឲ្យបានត្រឹមត្រូវគឺបានហើយ។ ទោះបីជាយ៉ាងនេះក្ដីបើតាមការនិយាយរៀបរាបរបស់លោក ការធ្វើបានបែបនេះគឺវាអាស្រ័យទៅលើសមត្ថភាពឆ្លាតវ័យរបស់សត្វឆ្កែស្ទើតែទាំងស្រុងហើយ។
លោកបាននិយាយបន្ថែមទៀតថា តាមយោបល់របស់ខ្ញុំគឺត្រូវបានបង្រៀនវាហើយធានាឲ្យបានទៀងទាត់ ខ្ញុំបានបង្រៀនឆ្កែអស់រយៈពេលប្រហែលជា៣០ឆ្នាំមកហើយ។ ខ្ញុំមើលវីដេអូ ហើយ នឹងអ្វីដែលឆ្កែនេះអាចធ្វើបានគឺមានអស្ចារ្យហើយសាមញ្ញ។ ខ្ញុំពិតជាពិបាករកឆ្កែណាដែលមានសមត្ថភាពអាចធ្វើបាននូវការលោតហក់ដូចវានេះណាស់។